ایک نئی تحقیق میں بتایا گیا کہ کیٹو ڈائٹ ڈپریشن کم کرنے میں مددگار ہو سکتی ہے۔ یہ خاص طور پر ان افراد کیلئے مفید ہے جو صرف اینٹی ڈپریسنٹ ادویات سے فائدہ نہیں اٹھا پاتے۔
سٹڈی میں علاج سے مزاحم ڈپریشن کے 88 مریض شامل تھے۔ شرکاء میں سے ایک گروپ کو چھ ہفتوں کے لیے کیٹو ڈائٹ دی گئی۔ اس میں روزانہ کاربوہائیڈریٹس 30 گرام سے کم رکھے گئے۔ دوسرے گروپ کو پودوں پر مبنی متوازن غذا دی گئی۔
نتائج کے مطابق کیٹو گروپ میں ڈپریشن سکیل پر اوسطاً 10.5 پوائنٹس بہتری آئی۔ پودوں پر مبنی گروپ میں اوسط بہتری 8.3 پوائنٹس رہی۔
تحقیق کی سربراہ من گاؤ کے مطابق کیٹو ڈائٹ نے چھ ہفتوں میں واضح نتائج دیے۔ ماہرین کے مطابق یہ غذا معاون علاج کے طور پر مددگار ہو سکتی ہے، تاہم بحیثیت مجموعی صحت مند طرزِ زندگی برقرار رکھنا ضروری ہے۔
