اسلام آباد میں پاکستان کا پہلا مفت بریسٹ کینسر سکیننگ سینٹر قائم

پمز اسلام آباد میں ملک کا پہلا مفت بریسٹ کینسر سکیننگ سینٹر قائم کر دیا گیا۔ سینٹر کا افتتاح وفاقی وزیر صحت مصطفیٰ کمال نے کیا۔ انہوں نے کہا کہ مستقبل میں ضلعی سطح پر بھی سکیننگ سینٹرز قائم کیے جائیں گے۔

اس موقع پر وزیر صحت نے کہا کہ آگاہی بریسٹ کینسر کے خلاف سب سے مؤثر ہتھیار ہے۔ اسلام آباد میں قائم اس سینٹر میں جدید مشینری اور ماہرین موجود ہیں۔ ان کی مدد سے خواتین مفت اور معیاری تشخیص کروا سکتی ہیں۔ انہوں نے عوام سے اپیل کی کہ اپنی بہنوں بیٹیوں کی سکیننگ ضرور کرائیں تاکہ اس بیماری کے خطرات کم کیے جا سکیں۔