انسولین اور مفروضے

60

اس کے استعمال سے جڑے بہت سے مفروضے سننے کو ملتے ہیں جن میں کوئی سچائی نہیںہے۔ان میں سے چندمفروضے اور ان کی تصحیح مندرجہ ذیل ہے :
٭انسولین ذیابیطس کا موثر علاج نہیں ہے؟
٭٭یہ محض مفروضہ ہے۔انسولین ایک بہترین علاج ہے۔اس کی مدد سے خون میں موجود گلوکوز کوقابو میں رکھا جاسکتا ہے۔ اس کا اثر فوری ہوتا ہے ۔

٭اس کا استعمال گردوں کو متاثر کرتا ہے؟
٭٭ایسا بالکل نہیںہے۔اس کے استعمال سے جسم کے کسی حصے کو نقصان نہیں پہنچتا۔اگر گردے پہلے سے خراب ہیں تو اس کی وجہ کچھ اور ہو سکتی ہے‘ انسولین ہرگز نہیں ۔

٭بعض لوگ انسولین لگانے سے ڈرتے ہیںکہ یہ تکلیف دہ ہے؟
٭٭لوگ عموماًانجکشن لگانے سے ڈرتے ہیںلیکن اب جدید انسولین دستیاب ہے جس سے درد کم سے کم ہوتا ہے۔اب یہ پین کی صورت میں ہوتی ہے جس کی سوئی بہت باریک ہے۔اس کو بھرنا نہیں پڑتا جس کی وجہ سے غلطی کا امکان کم ہوتا ہے اور مریض باآسانی اسے استعمال کر سکتا ہے۔

٭انسولین لینے کا مطلب ہے کہ ذیابیطس تشویشناک حالت میں ہے؟
٭٭ایسا نہیںہے۔ اس کو لگانے کامقصد صرف یہ ہے کہ خون میں شکر کی مقدار مناسب رہے۔اگر ذیابیطس کوکنٹرول نہ کیا جائے تو یہ بے قابو ہوسکتی ہے۔یہ آپ پر منحصر ہے کہ اس کوغذا،ورزش،گولیوںیا انسولین کے ذریعے کس حد تک قابومیں رکھتے ہیں۔

1
Leave a Reply

Leave a Reply

  Subscribe  
newest oldest most voted
Notify of
uzair
Guest
uzair

میرے جسم پر بال کثرت سے ہیں میری عمر 17 سال ہے میری عمر کے لڑکوں کے ابھی تک بال نہیں اے کیا مجھے کوئی بیماری ہے