ماہرین کے مطابق میٹھے کی عادت چھوڑنے سے صحت میں نمایاں بہتری آتی ہے۔ صرف 14 دن کے لیے اضافی چینی ترک کرنے سے جسم میں مثبت اثرات محسوس ہونے لگتے ہیں۔ ابتدائی چند دنوں میں سر درد، تھکن اور چڑچڑاپن نارمل ہے۔ اس کا سبب یہ ہے کہ دماغ شوگر کی کمی کے مطابق خود کو ایڈجسٹ کر رہا ہوتا ہے۔
تقریباً ایک ہفتے کے بعد جسم کا میٹابولزم بہتر ہونا شروع ہوتا ہے۔ خون میں شوگر کی سطح مستحکم رہتی ہے، توانائی متوازن ہوتی ہے اور نیند میں بہتری آتی ہے۔ دو ہفتے مکمل ہونے پر زیادہ تر افراد میں شوگر کی شدید خواہش میں کمی، ہاضمہ بہتر، اور توجہ میں اضافہ دیکھنے کو ملتا ہے۔
ماہرین کا کہنا ہے کہ چینی چھوڑنے سے انسولین کی کارکردگی بہتر ہوتی ہے اور وزن میں کچھ کمی بھی آ سکتی ہے۔
Tags: چینی
