اوزیمپک کے سستے متبادل، وزن کم کرنے والوں کیلئے خوشخبری

اوزیمپک کی سستی اور ریگولیٹڈ جنیرک ادویات جلد عالمی مارکیٹ میں دستیاب ہونے کی توقع ہے۔ اس کا سبب یہ ہے کہ سیمیگلوٹائیڈ کے پیٹنٹس کینیڈا، بھارت، چین اور برازیل میں ختم ہو رہے ہیں۔ اس سے اوزیمپک کے سستے متبادل کی تیاری اور فروخت ممکن ہو جائے گی۔

کینیڈا میں سیمیگلوٹائیڈ کا پیٹنٹ اس ماہ باضابطہ طور پر ختم ہو گیا ہے۔ اب وہاں مقامی سطح پر جنیرک اوزیمپک تیار اور فروخت کی جا سکے گی۔ اس سے قیمتیں نمایاں طور پر کم ہونے کا امکان ہے۔ نوو نورڈسک کے مطابق کینیڈا میں پیٹنٹ کی میعاد ختم کرنا کمپنی کی عالمی حکمت عملی کا حصہ ہے۔ امریکہ میں سیمیگلوٹائیڈ کے پیٹنٹس 2031 اور 2035 تک برقرار رہیں گے۔ ماہرین کا کہنا ہے کہ اوزیمپک کے سستے متبادل وزن کم کرنے، اور  ذیابیطس کے علاج میں مفید ثابت ہوں گے۔