پنجاب کے پرائیویٹ میڈیکل کالجز کے لیے ایم بی بی ایس کی پہلی میرٹ لسٹ جاری کر دی گئی ہے۔ فہرست میں سب سے کم کلوزنگ میرٹ 75.9465 فیصد ریکارڈ کیا گیا۔ یہ کوئینز میڈیکل کالج فار ویمن، قصور میں رہا۔ سب سے زیادہ میرٹ العلیم میڈیکل کالج لاہور میں ریکارڈ ہوا، جہاں کلوزنگ میرٹ 92.7136 فیصد رہا۔
شریف میڈیکل اینڈ ڈینٹل کالج لاہور 91.6586 فیصد، شالامار میڈیکل اینڈ ڈینٹل کالج 90.6364 فیصد، اور ایف ایم ایچ کالج آف میڈیسن اینڈ ڈینٹسٹری لاہور 90.1348 فیصد پر بند ہوا۔ لاہور میڈیکل اینڈ ڈینٹل کالج 88.6924 فیصد، اختر سعید میڈیکل کالج راولپنڈی 88.0869 فیصد اور راشد لطیف میڈیکل کالج لاہور 86.2929 فیصد پر بند ہوا۔
پنجاب کے 33 پرائیویٹ میڈیکل کالجز میں ایم بی بی ایس کی کل 4,350 نشستیں دستیاب ہیں۔ منتخب امیدواروں سے کہا گیا ہے کہ 30 دسمبر تک اپنی داخلہ فیس جمع کرا دیں۔ یو ایچ ایس کی ویب سائٹ پر فہرست اور تفصیلی ہدایات دستیاب ہیں۔ دوسری میرٹ لسٹ یکم جنوری کو جاری کی جائے گی۔
