پاکستان میں سالانہ 1 لاکھ 85 ہزار کینسر کے کیسز رپورٹ

پاکستان میڈیکل ایسوسی ایشن (پی ایم اے) کے مطابق ملک میں کینسر کے سالانہ 1 لاکھ 85 ہزار سے زائد کیسز رپورٹ ہوتے ہیں۔ بریسٹ کینسر سب سے عام ہے، جبکہ منہ اور پھیپھڑوں کے کینسرز میں بھی اضافہ ہو رہا ہے۔ تمباکو، آلودہ فضاء اور ویکسین تک کم رسائی کیسز کی بڑھتی ہوئی شرح کی اہم وجوہات ہیں۔

پی ایم اے نے کینسر سے نپٹنے کے لیے مرکزی رجسٹری قائم کرنے کا مطالبہ کیا ہے۔ اس کے ساتھ مریضوں کے انفرادی ضرورت کے مطابق علاج کی فراہمی پر زور دیا گیا۔ سکریننگ کیلئے مالی رکاوٹیں دور کرنے کی ضرورت بھی واضح کی گئی۔ علاوہ ازیں، غیرقانونی تمباکو فروشی کے خلاف سخت کارروائی کی طرف بھی توجہ مبذول کرائی گئی۔