سحری صرف بھوک مٹانے کا ذریعہ نہیں بلکہ دن بھر کیلئے توانائی برقرار رکھنے والا اہم کھانا بھی ہے۔ ماہرین غذائیات کے مطابق کچھ غذائیں اس حوالے سے خاص طور پر مفید ہیں۔
ان کے مطابق سحری میں پروٹین، پیچیدہ کاربوہائیڈریٹس اور صحت بخش چکنائی شامل کرنا ضروری ہے۔ انڈے، دلیہ، اوٹس، چنے، دہی، کھجور، کیلا اور میوہ جات دیر تک توانائی فراہم کرتے ہیں۔ کم چکنائی والا دودھ اور دہی جسم کو ہائیڈریٹ اور مستعد رکھتے ہیں۔
اپولو ہسپتال سکندرآباد (انڈیا) کے ماہر غذائیات ڈاکٹر آفتاب احمد کا کہنا ہے کہ سحری میں چینی، زیادہ نمکین اور تلی ہوئی اشیاء سے گریز کرنا چاہیے۔
