ملٹی پل سکلروسس کے مریضوں میں بڑھتی ہوئی سماجی تنہائی

ماہرین کے مطابق ملٹی پل سکلروسس کے مریضوں میں ذہنی دباؤ اور سماجی تنہائی بڑھ رہی ہے۔ اس کی بڑی وجہ چلنے میں دشواری اور فُٹ ڈراپ ہیں۔ فُٹ ڈراپ میں ٹخنے کو اوپر موڑنے والے پٹھے صحیح کام نہیں کر پاتے۔ تقریباً 80 فیصد مریض ان مسائل کی وجہ سے مشکلات کے شکار ہوتے ہیں۔ شرمندگی اور گرنے کے خوف کے باعث مریض معاشرتی تقریبات سے دور رہتے ہیں۔ یہ بات آسٹریلیا کی مرڈوک یونیورسٹی کی ایک تحقیق میں سامنے آئی ہے۔

تحقیق میں 1,800 سے زائد مریضوں کے ڈیٹا کا جائزہ لیا گیا۔ ریسرچر ایملی ووڈ کے مطابق خاندان کی سپورٹ کے باوجود وہ کم ہمتی اور تنہائی کا شکار ہو جاتے ہیں۔

ملٹی پل سکلروسس مرکزی اعصابی نظام کی آٹو امیون بیماری ہے۔ اس کے نتیجے میں دماغ اور ریڑھ کی ہڈی کے سگنلز متاثر ہوتے ہیں۔