سردیوں میں کھانسی لمبی کیوں چلتی ہے، ماہرین کی وضاحت

سردیوں میں کھانسی بالعموم زیادہ لمبی چلتی ہے۔ یہ  3 سے 8 ہفتوں تک جاری رہ سکتی ہے، اور بعض افراد میں مہینوں تک برقرار رہتی ہے۔ ماہرین کے مطابق خشک اور ٹھنڈی ہوا، فضائی آلودگی اور غیر صحت مندانہ عادات اس کی بنیادی وجوہات ہیں۔

ٹمپریچر انورژن کے دوران آلودگی کے ذرات فضا میں پھنس جاتے ہیں۔ اس سے آلودگی کے ذرات نیچے رہ جاتے ہیں جس سے کھانسی کا خطرہ بڑھ جاتا ہے۔ ٹمپریچر انورژن میں نیچے کی سرد ہوا اوپر کی گرم ہوا کے نیچے پھنس جاتی ہے۔ بند جگہوں میں زیادہ وقت گزارنے سے فلو وائرس تیزی سے پھیلتا ہے۔ اس طرح سردیوں میں کھانسی مزید طویل ہو جاتی ہے۔

ماہرین کے مطابق اگر کھانسی تین ہفتوں سے زیادہ برقرار رہے تو بلا تاخیر  ڈاکٹر سے رجوع کریں۔ گھروں میں نمی کا تناسب 40 سے 60 فیصد برقرار رکھنے کے لیے ہیومیڈیفائر کا استعمال مفید ہے۔