دل کی کمزوری (Heart failure) ایک ایسی کیفیت ہے جس میں دل جسم کی ضرورت کے مطابق خون مؤثر طریقے سے پمپ نہیں کر پاتا۔ اس کے نتیجے میں جسم میں خون اور سیال جمع ہونے سے مختلف مسائل پیدا ہو سکتے ہیں۔ مناسب علاج سے اس بیماری کو بہتر انداز میں قابو پانے اور زندگی کے معیار کو بہتر بنانے میں مدد مل سکتی ہے۔
علامات
دل کی کمزوری کی یہ علامات ہو سکتی ہیں:
٭ جسمانی سرگرمی یا لیٹنے پر سانس پھولنا
٭ تھکاوٹ یا کمزوری
٭ ٹانگوں، ٹخنوں، پیروں یا پیٹ میں سوجن ہونا
٭ دل کی دھڑکن بے ترتیب ہونا
٭ مسلسل کھانسی یا سفید، گلابی یا خون آلود بلغم آنا
٭ جسم میں پانی جمع ہونے سے وزن تیزی سے بڑھنا
٭ متلی یا بھوک میں کمی
٭ توجہ مرکوز کرنے میں دشواری
٭ اگر دل کا دورہ وجہ ہو تو سینے میں درد ہونا
ڈاکٹر سے کب رجوع کریں؟
ان صورتوں میں فوراً ڈاکٹر کو دکھائیں:
٭ سانس پھولنے کے ساتھ دل کی دھڑکن بے ترتیب ہونا
٭ سینے میں درد ہونا
٭ بے ہوشی
٭ سفید، گلابی جھاگ دار بلغم آنا
٭ نئی علامات ظاہر ہونا
٭ چند دنوں میں تقریباً 2.3 کلوگرام (5 پاؤنڈ) وزن بڑھ جانا
وجوہات اور خطرے کے عوامل
دل کی کمزوری ان وجوہات کے باعث ہو سکتی ہے:
٭ دل کی شریانوں کی بیماری یا دل کا دورہ پڑنا
٭ ہائی بلڈ پریشر ہونا
٭ موٹاپا یا بڑھتی عمر
٭ دل کے والوز یا دل کے پٹھوں کی بیماری ہونا
٭ پیدائشی دل کی خرابی یا دل کی دھڑکن بے ترتیب ہونا
٭ ذیابیطس، ایچ آئی وی یا تھائرائیڈ کی بیماری ہونا
٭ زیادہ شراب، منشیات، بعض ادویات یا وائرل انفیکشن ہونا
پیچیدگیاں
اگر دل کی کمزوری کا بروقت علاج نہ ہو تو یہ پیچیدگیاں پیدا ہو سکتی ہیں:
٭ گردوں کو نقصان پہنچنا یا گردے فیل ہونا
٭ دل کے والوز خراب ہونا یا دل کی دھڑکن بے ترتیب ہونا
٭ جگر کو نقصان پہنچنا یا جگر پر زخم بننا
٭ اچانک دل کی دھڑکن بند ہونے سے موت واقع ہونا
تشخیص
تشخیص کے لیے ڈاکٹر علامات، میڈیکل ہسٹری اور جسمانی معائنہ کرتے ہیں۔ ڈاکٹر وجہ جاننے کے لیے بلڈ ٹیسٹ، ایکس رے، ای سی جی وغیرہ کرتے ہیں۔ اس کے علاوہ ضرورت کے مطابق ورزش، سی ٹی، ایم آر آئی یا دیگر ٹیسٹ بھی تجویز کیے جا سکتے ہیں۔
علاج
دل کی کمزوری کے علاج میں یہ اقدامات کیے جا سکتے ہیں:
٭ صحت مند طرز زندگی اپنانا
٭ دل کی کمزوری کی ادویات باقاعدگی سے استعمال کرنا
٭ بند شریانوں یا دل کے والوز کی سرجری
٭ ضرورت پڑنے پر دل کی دھڑکن میں مدد دینے والا آلات لگوانا
٭ شدید صورت میں دل کی پیوندکاری کروانا
بچاؤ کے تدابیر
دل کی کمزوری سے بچاؤ کے لیے یہ احتیاطیں کریں:
٭ ہائی بلڈ پریشر، ذیابیطس اور موٹاپے پر قابو رکھیں
٭ تمباکو نوشی سے پرہیز کریں
٭ باقاعدگی سے ورزش کریں
٭ متوازن اور صحت بخش غذا کھائیں
٭ ذہنی دباؤ کم کریں اور اس پر قابو رکھیں
٭ ادویات ڈاکٹر کی ہدایت کے مطابق استعمال کریں
Frequently Asked Questions (FAQs)
کیا دل کی کمزوری مکمل طور پر ٹھیک ہو سکتی ہے؟
یہ اس کی وجہ پر منحصر ہے، لیکن مناسب علاج سے اسے کافی حد تک قابو میں رکھا جا سکتا ہے۔
کیا دل کی کمزوری میں وزن اچانک بڑھ سکتا ہے؟
جی ہاں، جسم میں پانی جمع ہونے کی وجہ سے وزن تیزی سے بڑھ سکتا ہے۔
کیا دل کی کمزوری میں صرف سانس پھولتا ہے؟
نہیں، اس کے ساتھ ٹانگوں میں سوجن، تھکاؤٹ، کھانسی اور دیگر علامات بھی ہو سکتی ہیں۔
نوٹ یہ مضمون صرف معلوماتی مقاصد کے لیے ہے۔ اگر آپ کو دل کی کمزوری کی علامات محسوس ہوں یا پہلے سے تشخیص شدہ بیماری کی علامات اچانک بڑھ جائیں تو فوری طور پر اپنے ڈاکٹر سے رجوع کریں۔
ڈاکٹر سے رابطے کے لئے لنک پر کلک کریں ⬇️
https://www.shifa.com.pk/find-a-doctor?speciality=cardiologist
