برٹنی لاکیو کو دنیا کی سب سے چوڑی زبان والی خاتون قرار دیا گیا ہے۔ برٹنی کا تعلق امریکی ریاست ٹیکساس سے ہے۔ ان کی زبان 3.11 انچ چوڑی ہے۔ ان سے پہلے چوڑی ترین زبان کا ریکارڈ ایملی شلینکر نامی خاتون کے پاس تھا۔ ان کی زبان 2.89 انچ چوڑی تھی۔ مردوں میں دنیا کی سب سے چوڑی زبان کا ریکارڈ امریکی شہری برائن تھامسن کے پاس ہے۔ ان کی زبان 3.49 انچ چوڑی ہے۔
بڑھی ہوئی زبان کو طبی اصطلاح میں میکرو گلوسیا (Macroglossia) کہا جاتا ہے۔ یہ ایک غیر معمولی کیفیت ہے اور بہت ہی کم لوگوں میں پائی جاتی ہے۔ بالغوں سے زیادہ یہ بچوں کو متاثر کرتی ہے۔
میکروگلوسیا والے لوگوں کی زبانیں منہ کے سائز کے مطابق نہیں ہوتیں۔ اس کے شکار افراد کو بیک ود وڈمین سنڈروم (Beckwith-Wiedemann syndrome) یا ڈاؤن سنڈروم بھی ہو سکتا ہے۔ کینسر کی کچھ شکلیں یا شدید انفیکشن بھی اس کا باعث بن سکتی ہیں۔ اس کے علاج میں سپیچ تھیراپی سے لے کر سرجری تک سبھی شامل ہو سکتے ہیں۔
