پاکستان میں سروائیکل کینسر سے بچاؤ کے لیے ایک بڑی ویکسی نیشن مہم شروع کی جا رہی ہے۔ اس کے لیے ڈبلیو ایچ او کی طرف سے 49 ہزار ہیلتھ ورکرز کو ٹریننگ دی جاری ہے۔ تربیتی پروگرام اگست کے آخر تک مکمل ہوگا تاکہ ستمبر میں مہم مؤثر انداز میں شروع کی جا سکے۔ یہ وائرس سروائیکل کینسر کا سبب بنتا ہے۔
مہم 15 سے 27 ستمبر تک پنجاب، سندھ، اسلام آباد کے نواحی علاقوں اور آزاد کشمیر میں چلائی جائے گی۔ 9 سے 14 سال کی تقریباً 13 ملین لڑکیوں کو ایچ پی وی کی ویکسین دی جائے گی۔
ویکسین مہم کے مراحل کی بھی منصوبہ بندی کی گئی ہے۔ خیبرپختونخواہ میں 2026 میں، اور بلوچستان و گلگت بلتستان میں 2027 میں مہم چلائی جائے گی۔
ماہرین کے مطابق، پاکستان میں سروائیکل کینسر سے اموات کی بڑی وجہ بیماری کی دیر سے تشخیص ہے۔ سکریننگ پروگرامز کی کمی بھی اموات کا سبب بنتی ہے۔ اس مہم سے ویکسین کی فراہمی بڑھے گی تاکہ اس مرض کی شرح کم کی جا سکے۔
