کھانے کے فوراً بعد چائے یا کافی؟ جسم میں غذائی کمی کا خطرہ!

بہت سے لوگوں کو کھانے کے فوراً بعد چائے یا کافی کی طلب ہوتی ہے۔ ماہرین صحت کا کہنا ہے کہ یہ عادت کچھ زیادہ صحت بخش نہیں۔ یونیورسٹی کالج لندن کی محققہ الیکس روآنی اور اوریگون اسٹیٹ یونیورسٹی کی پروفیسر ایملی نے اس کی وضاحت بھی کی ہے۔

محققین کے مطابق کیفین اور کچھ دیگر اجزاء آئرن، کیلشیم اور وٹامن بی کے جذب ہونے میں رکاوٹ بنتے ہیں۔ اگر جسم میں غذائیت کی سطح بہتر ہو تو پھر پریشانی کی بات نہیں۔ اگر غذائیت کی کمی ہو تو پھر کھانے کے فوراً بعد چائے یا کافی کا زیادہ استعمال نقصان دہ ہو سکتا ہے۔

ماہرین کا مشورہ ہے کہ آئرن یا کیلشیم والی غذا کے فوراً بعد ان سے پرہیز کرنا چاہیے۔ ان کا استعمال کھانے سے کم از کم ایک گھنٹہ پہلے یا بعد میں کرنا چاہیے۔ اس طرح اہم غذائی اجزاء جسم میں بہتر جذب ہو سکیں گے۔