طب اور ماحولیات میں ریڈی ایشن ٹیکنالوجی کے استعمالات پر اسلام آباد میں منعقدہ تین روزہ عالمی سمپوزیم کل اختتام پذیر ہو گیا۔ پروگرام میں 100 سے زائد ملکی و غیر ملکی ماہرین شریک ہوئے جبکہ 50 کے قریب مندوبین آن لائن شریک ہوئے۔
سمپوزیم میں ماہرین نے مختلف تحقیقی مقالے پیش کیے۔ ان میں بنگلہ دیش، چین، کوریا، ملائیشیا اور پاکستان کے سائنسدان شامل تھے۔ نوجوان محققین نے پوسٹرز کے ذریعے اس تھیم کو اجاگر کیا۔ متعلقہ موضوعات میں ریڈیو نیوکلیائیڈ کے اثرات اور ان کا تدارک نمایاں تھا۔ بائیو میڈیکل امیجنگ اور ایڈاپٹو ریڈیو تھراپی پر بھی گفتگو ہوئی۔ کینسر کے علاج میں ریڈی ایشن ٹیکنالوجی کی نئی جہتوں پر روشنی ڈالی گئی۔ ریڈی ایشن سیفٹی اور ماحولیاتی استعمالات پر بھی گفتگو ہوئی۔ مصنوعی ذہانت پر مبنی امیجنگ بھی زیر بحث آئی۔ اختتامی تقریب میں بہترین پوسٹرز کو ایوارڈ دیے گئے۔
