مکہ مکرمہ میں دوران حج پاکستانی شہری کو پانچ بار ہارٹ اٹیک ہوا، مگر فوری طبی امداد سے 42 سالہ شخص کی جان بچ گئی۔
دوران حج پاکستانی شہری شدید گرمی کی وجہ سے اچانک بے ہوش ہو گیا۔ انہیں فوری طور پر ایسٹ عرفات ہسپتال منتقل کیا گیا۔ ابتدائی معائنے میں معلوم ہوا کہ انہیں متعدد ہارٹ اٹیک ہوئے تھے۔ ان کی حالت نازک تھی، اس لیے انہیں وینٹی لیٹر پر منتقل کیا گیا۔ بعد ازاں بہتر علاج کے لیے مریض کو کنگ عبداللہ میڈیکل سٹی لے جایا گیا۔ ڈاکٹروں نے انجیو پلاسٹی کیے ذریعے شریانوں کی بندش دور کی، اور دل کی معاونت کے لیے آلہ بھی لگایا گیا۔
کئی دن تک مسلسل نگرانی اور علاج جاری رہا جس سے ان کی حالت میں بہتری آنے لگی۔ بالآخر 17 جون کو انہیں ہسپتال سے ڈسچارج کر دیا گیا۔
