راولپنڈی میں خسرہ، روبیلا ویکسی نیشن مہم اختتام پذیر ہو گئی ہے۔ محکمہ صحت کے مطابق 13 روزہ مہم میں 96 فیصد اہداف حاصل ہوئے۔ تاہم اس دوران ضلع بھر میں 42,681 بچے ویکسین سے محروم بھی رہے۔
تفصیلات کے مطابق خسرہ، روبیلا مہم 17 سے 29 نومبر تک جاری رہی۔ اس میں چھ ماہ سے پانچ سال تک کے 822,766 بچوں کو حفاظتی ٹیکے لگانے کا ہدف تھا۔ مہم کے اختتام تک 792,766 بچوں کو ویکسین دی گئی۔ مہم میں 703 ٹیموں نے حصہ لیا، تاہم 42,681 بچے موقع پر دستیاب نہ ہو سکے۔ بعض تعلیمی اداروں کی طرف سے ویکسینیشن ٹیموں کے لیے رکاوٹیں پیدا کرنے کی شکایات بھی سامنے آئیں۔ اس وجہ سے بھی کچھ بچے ویکسینیشن سے محروم رہے۔
مہم کے دوران ویکسین کے ری ایکشن کا صرف ایک کیس رپورٹ ہوا۔ گوجر خان کے علاقے میں ایک بچے میں معمولی سائیڈ ایفیکٹس ظاہر ہوئے، تاہم وہ بھی فوری طور پر ٹھیک ہو گیا۔
