ہمیں ایک دن میں کتنی چینی استعمال کرنی چاہیے؟

چینی ہماری غذا کا اہم جزو اور جسم کے لیے توانائی کا ایک بڑا ذریعہ ہے۔ یہ بنیادی طور پر نقصان دہ نہیں بلکہ فائدہ مند ہے۔ تاہم اس کا زیادہ استعمال صحت کے طویل مدتی مسائل کا سبب بنتا ہے۔ ماہرین کے مطابق زیادہ میٹھا موٹاپے، ذیابیطس، دانتوں کی خرابی اور دل کی بیماریوں کا باعث بنتا ہے۔ لہٰذا ہمیں ایک دن میں چینی کی مطلوبہ مقدار پر نظر رکھنی چاہیے۔

ورلڈ ہیلتھ آرگنائزیشن اور امریکن ہارٹ ایسوسی ایشن نے اس حوالے سے ہدایات دی ہیں۔ ان کے مطابق خواتین اور بچوں کو روزانہ 25 گرام (6 چائے کے چمچ) اور مردوں کو 36 گرام (9 چائے کے چمچ) سے زیادہ چینی استعمال نہیں کرنی چاہیے۔