نئی تحقیق کے مطابق ورزش سے خواتین کو مردوں کے مقابلے میں تین گنا زیادہ فائدہ حاصل ہوتا ہے۔ سٹڈی میں یو کے بایو بینک کے 85 ہزار سے زائد افراد کے اعدادوشمار شامل کیے گئے۔ تحقیق نیچر کارڈیو ویسکیولر ریسرچ میں شائع ہوئی۔
نتائج سے پتہ چلا کہ مردوں کو دل کی بیماری کا خطرہ کم کرنے کے لیے ہفتے میں 530 منٹ ورزش کرنا ضروری ہے۔ خواتین صرف 250 منٹ کی ورزش سے یہی فائدہ حاصل کر لیتی ہیں۔ جو خواتین ہفتے میں 150 منٹ ورزش کرتی ہیں، ان میں دل کی بیماری کا خطرہ 22 فیصد کم ہو جاتا ہے۔ مردوں میں یہی کمی 17 فیصد ریکارڈ کی گئی۔
ماہرین کے مطابق، ایسٹروجن کی بلند سطح اور عضلاتی ساخت کا فرق اضافی فائدے کی اہم وجوہات ہیں۔ ایسٹروجن جسمانی سرگرمی کے دوران چربی کے اخراج میں مدد دیتا ہے۔ عضلاتی تناسب میں فرق خواتین کو ورزش کے اثرات کے لحاظ سے فطری برتری دیتا ہے۔
تحقیق نے واضح کیا کہ مردوں اور خواتین کے لیے یکساں ورزش کے اصول مؤثر نہیں۔ اس لیے خواتین کو اپنی جسمانی ساخت اور ہارمونی توازن کے مطابق ورزش کا شیڈول ترتیب دینا چاہیے۔
