آٹزم کےاثرات

1

آٹزم کےاثرات

آٹزم ایک نفسیاتی بیماری ہے جو جینزمیں کسی خامی یا خرابی کی وجہ سے ہوتی ہے۔ اس کے حقیقی اسباب ابھی تک معلوم نہیں ہوئے۔ یہ مرض بچے کی زندگی کے تین شعبوں کو خاص طور پرمتاثر کرتا ہے جویہ ہیں

٭دوسروں سے میل جول

٭اپنی ضروریات اورجذبات کا اظہار

٭کھیل کوداورتخلیقی صلاحیتیں

لوگوں سے میل جول

ان بچوں کو لوگوں کے ساتھ میل جول اورسماجی تعلقات قائم کرنے میں بہت مشکل پیش آتی ہے۔ یہ تنہائی پسند ہوتے ہیں اورنئے ماحول میں یا نئی جگہ ایڈجسٹ ہونے میں وقت لیتے ہیں۔ اکثر بچے شرمیلے ہوتے ہیں‘ گم سم رہتے ہیں اوربلانے پرجواب نہیں دیتے۔ جب یہ بولتے ہیں تو کوئی ایسی مُضحکہ خیزبات کردیتے ہیں کہ سننے والا ہنس پڑتا ہے۔

بولنے کی صلاحیت

یہ بچے بات چیت کرنے میں بہت سُست ہوتے ہیں۔ لوگوں کی بجائے کھلونوں اوردوسری چیزوں سے باتیں کرنا پسند کرتے ہیں۔ جن بچوں کا مرض شدید ہو‘ وہ بالکل نہیں بولتے۔ بعض ایسے بھی ہیں جوبولتے ٹھیک ہیں مگران کی گفتگو زیادہ تریک طرفہ ہوتی ہے اورایک ہی بات کودہراتے ہیں۔ یہ بچے اپنے جذبات کا اچھی طرح سے اظہار نہیں کرپاتے اورگفتگو کے دوران مخاطب سے آنکھیں نہیں ملاتے۔ ان کی آوازکا اتارچڑھاؤ اورچہرے کے تاثرات ہروقت ایک جیسے رہتے ہیں۔

کھیل کود اورتخلیقی صلاحتیں

آٹزم کے شکار بچےعام طورپرکھیل میں تخلیقی صلاحیتوں کا اظہارنہیں کرپاتے۔ وہ کھلونوں سے کھیلنے کی بجائے انہیں گھورتے رہتے ہیں یا پھرمسلسل ایک ہی کھلونے سے کھیلتے رہتے ہیں۔ انہیں گھومنے والی چیزوں کے ساتھ کھیلنا زیادہ پسند ہوتا ہے۔ مثال کے طورانہیں کھلونوں کے پہیوں کو گھماتے رہنا یا دروازے کوباربار کھولنااچھا لگتا ہے۔

یہ بچے ذہانت میں انتہاؤں پریعنی بہت زیادہ کند ذہن یا بہت زیادہ ذہین ہوسکتے ہیں۔ بالعموم اس مرض کے شکارہرچارمیں سے ایک بچہ بہت زیادہ ذہین یا نارمل جبکہ باقی تین کند ذہن ہوتے ہیں۔

effects of autism on children, autism and creative ability, socialization

0 0 vote
Article Rating
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x