چین میں برین امپلانٹ، مفلوج افراد کے علاج میں اہم سنگ میل

دماغی سگنلز سے آلات کنٹرول کرنے کی ٹیکنالوجی میں تاریخی پیش رفت ہوئی ہے۔ چین میں ایک 28 سالہ شخص گردن کی ہڈی میں چوٹ کے باعث مفلوج ہو گیا تھا۔ برین امپلانٹ سرجری کے پانچ دن بعد اس نے دماغ سے وہیل چیئر اور گھریلو آلات چلائے۔

یہ کامیابی چین کے پہلے مکمل امپلانٹڈ، وائرلیس اور فعال بی سی آئی کلینیکل ٹرائل کا حصہ ہے۔ شنگھائی نیورو ایکسیس کے آلے میں 64 الیکٹروڈز ہیں، جو انسانی بال کی موٹائی کا ایک فیصد ہیں۔ الیکٹروڈز دماغ میں نصب ہیں، جبکہ بیٹری، کنٹرولر اور پروسیسر سینے کی جلد کے نیچے رکھے گئے ہیں۔ ماہرین کے مطابق چین میں برین امپلانٹ دنیا بھر میں مفلوج افراد کے علاج میں امید کی کرن ہے۔