گوگل کلاؤڈ اور ایڈیٹیلِم کا ماہرینِ صحت کے لیے نیا اے آئی پروگرام

ایڈیٹیلِم گلوبل ایجوکیشن نے گوگل کلاؤڈ کے اشتراک سے نیا اے آئی سرٹیفکیٹ پروگرام متعارف کرانے کا اعلان کیا ہے۔ یہ پروگرام ماہرین صحت اور میڈیکل سٹوڈنٹس کے لیے تیار کیا گیا ہے۔ اس کا مقصد کلینیکل پریکٹس میں مصنوعی ذہانت کے محفوظ اور مؤثر استعمال کو فروغ دینا ہے۔ پروگرام 2026 میں شروع کیے جانے کا امکان ہے۔

شرکاء کو گوگل کلاؤڈ کے جدید اے آئی ٹولز کی تربیت دی جائے گی۔ اس کے نصاب میں اخلاقی اصول، مریضوں کی حفاظت، اور طبی ماحول میں ٹیکنالوجی کے عملی استعمال جیسے مضامین شامل ہوں گے۔ اس سے شرکاء کو مصنوعی ذہانت کے حقیقی طبی اطلاق کا عملی تجربہ حاصل ہو گا۔

ماہرین نے اس منصوبے کو صحت کے شعبے میں اہم پیش رفت قرار دیا ہے۔ ان کا کہنا ہے کہ پروگرام ماہرین صحت کو جدید تقاضوں سے ہم آہنگ کرے گا۔ اس حوالے سے تربیت یافتہ معالجین بہتر طبی فیصلے کر سکیں گے۔