67 سالہ امریکی شہری ٹِم اینڈریوز نے جانور کے گردے کے ساتھ 271 دن بسر کیے۔ ان کے جسم میں لگایا گیا سور کا گردہ غیرمعمولی مدت تک فعال رہا۔ یہ اب تک کا سب سے طویل اور کامیاب تجربہ قرار دیا جا رہا ہے۔ گزشتہ برس ایک امریکی خاتون میں سور کا گردہ 130 دن تک کام کرتا رہا تھا۔
اینڈریوز میں جانور کے گردے کی کارکردگی کم ہونے پر ان کا دوبارہ ڈائلیسز شروع کر دیا گیا ہے۔ ہسپتال کے عملے نے انہیں بے لوث اور حوصلہ مند مریض قرار دیا۔
امریکہ میں ایک لاکھ سے زائد افراد گردے کے منتظر ہیں۔ ہر سال ہزاروں مریض بروقت گردہ نہ ملنے کے باعث جان سے جاتے ہیں۔ محققین کے مطابق یہ تجربہ جانوروں کے اعضاء کی پیوندکاری کی تحقیق میں نمایاں پیش رفت ہے۔
