جلد کے اندر اگنے والے بال (Ingrown hair) اس وقت بنتے ہیں جب نکالے گئے بال دوبارہ بڑھتے ہوئے جلد کے اندر مڑ جاتے ہیں۔ یہ مسئلہ عموماً شیو کرنے، ویکس کروانے یا بال اکھاڑنے کے بعد ہوتا ہے اور اس کی وجہ سے جلد پر چھوٹے درد انگیز یا سوجے ہوئے دانے بن سکتے ہیں۔ زیادہ تر صورتوں میں یہ مسئلہ خود ہی بہتر ہو جاتا ہے۔
علامات
اس کی عام علامات یہ ہیں:
٭ چھوٹے، سوجے ہوئے دانے، خاص طور پر شیو، ویکس یا بال نکلالنے کے بعد
٭ چھوٹے پانی یا پیپ والے دانے
٭ متاثرہ جگہ پر جلد کا معمول سے زیادہ گہرا ہونا
٭ جلن یا چبھن
٭ خارش
٭ جلد کے اندر مڑا ہوا یا لوپ کی شکل میں نظر آنے والا بال
ڈاکٹر سے کب رجوع کریں؟
گھنگریالے یا بہت زیادہ گھومے ہوئے بال ہونا انگروون ہیئر کا سب سے بڑا خطرہ ہے۔
وجوہات
جلد کے اندر اگنے والے بال ان وجوہات کے باعث بنتی ہیں:
٭ شیو کرنا، ویکس کرنا یا بال اکھاڑنا
٭ گھنگریالے یا مڑے ہوئے بال
٭ شیو کرتے وقت جلد کو کھینچنا
٭ چمٹی سے بال اکھاڑنا
خطرے کے عوامل
اگر جلد کے اندر اگنے والا بال خود ٹھیک نہ ہو یا بار بار مسئلہ پیدا کرے تو ڈاکٹر سے رجوع کریں۔
پیچیدگیاں
اس کے نتیجے میں یہ پیچیدگیاں پیدا ہو سکتی ہیں:
٭ بیکٹیریا سے انفیکشن
٭ متاثرہ جگہ پر جلد کا معمول سے زیادہ گہرا ہونا
٭ ابھرے ہوئے گہرے رنگ کے نشانات (کیلوئیڈز)
٭ ریزر بمپس (Pseudofolliculitis barbae)
٭ باریک دھنسے ہوئے نشانات
تشخیص
ڈاکٹر عام طور پر جلد کا معائنہ کرتے ہیں اور بال ہٹانے کے طریقوں کے بارے میں سوال کرکے تشخیص کرتے ہیں۔
علاج
اس کے علاج میں یہ اقدامات مفید ہوسکتے ہیں:
٭ کچھ عرصے کے لیے شیو، ویکس یا چمٹی سے بال نکالنا بند کریں
٭ صرف قینچی یا الیکٹرک کلپر سے بال کاٹیں
٭ جلد کی مردہ تہہ ہٹانے والی کریمیں مثلاً ٹریٹینوئن یا گلائیکولک ایسڈ لوشن
٭ جلن اور خارش کم کرنے کے لیے سٹیرائیڈ کریم
٭ انفیکشن کی صورت میں اینٹی بایوٹک کریم یا گولیاں وغیرہ
٭ بالوں کی بڑھوتری کم کرنے والی کریم، جیسے ایفلورنیتھین وغیرہ
٭ ضرورت پڑنے پر لیزر ہیئر ریموول یا الیکٹرولائسز
بچاؤ کے تدابیر
اس سے بچنے کے لیے یہ احتیاطی تدابیر اختیار کریں:
٭ شیو، ویکس یا چمٹی سے بال اکھاڑنے سے گریز کریں
٭ شیو سے پہلے جلد کو نیم گرم پانی اور ہلکے کلینزر سے دھوئیں
٭ شیو سے پہلے شیونگ کریم یا جیل لگائیں
٭ تیز اور سنگل بلیڈ ریزر استعمال کریں
٭ شیو کرتے وقت جلد کو نہ کھینچیں
٭ بالوں کی بڑھنے کی سمت میں شیو کریں
٭ ہر اسٹروک کے بعد ریزر کو دھوئیں
٭ شیو کے بعد جلد دھو کر ٹھنڈی گیلی پٹی لگائیں
٭ الیکٹرک ریزر یا کلپر استعمال کریں
٭ ہیئر ریموول کریم استعمال کرنے سے پہلے جلد کے ایک چھوٹے حصے پر ٹیسٹ کریں
Frequently Asked Questions (FAQs)
کیا جلد کے اندر اگنے والے بال خود ٹھیک ہو جاتے ہیں؟
جی ہاں، زیادہ تر کیسز بغیر علاج کے بہتر ہو جاتے ہیں۔
کیا شیو کرنے سے یہ مسئلہ بڑھ سکتا ہے؟
جی ہاں، خاص طور پر بہت قریب سے شیو کرنے پر۔
کیا لیزر ہیئر ریموول فائدہ مند ہے؟
جی ہاں، بعض افراد میں یہ مسئلہ کم کرنے میں مدد دے سکتا ہے۔
کیا ہر بار اینٹی بایوٹک کی ضرورت ہوتی ہے؟
نہیں، صرف انفیکشن ہونے کی صورت میں ڈاکٹر تجویز کرتے ہیں۔
نوٹ: یہ مضمون صرف قارئین کی معلومات کے لیے شائع کیا گیا ہے۔ صحت سے متعلق امور میں ہمیشہ اپنے معالج کے مشورے پر عمل کریں۔
