خواتین ورکرز کے حقوق اور صحت کے تحفظ کیلئے پاکستانی لیڈی ہیلتھ ورکرز کے کردار کو عالمی سطح پر سراہا گیا ہے۔ ان کی نمائندہ تنظیم آل لیڈی ہیلتھ ورکرز پروگرام یونین (اے ایل پی یو) کو یو این آئی گلوبل یونین کا بریکنگ تھرو ایوارڈ 2025 دیا گیا ہے۔
تنظیم نے گزشتہ برس ہیلتھ ورکرز کی ملازمت مستقل کرنے، پنشن اور مناسب تنخواہوں کا مطالبہ کیا۔ اس کیلئے اے ایل پی یو نے سندھ اسمبلی کے باہر بھرپور احتجاج کیا۔ اس اقدام سے 31 ہزار سے زائد کمیونٹی ہیلتھ ورکرز کے روزگار محفوظ ہوئے۔ اس کے علاوہ لاکھوں افراد کے لیے ہیلتھ سروسز کا تحفظ بھی ممکن ہوا۔
اے ایل پی یو نے ایوارڈ کو ہر خاتون کی جیت قرار دیا۔ اس کے مطابق یہ پاکستانی لیڈی ہیلتھ ورکرز کے کردار کو عالمی سطح پر تسلیم کرنے کا عملی اظہار ہے۔
