انفینٹ بوٹولزم کا خدشہ، بائی ہارٹ فارمولا امریکہ بھر سے واپس

فارمولا ملک بنانے والی امریکی کمپنی بائی ہارٹ نے اپنی مصنوعات مارکیٹ سے اٹھا لی ہیں۔ یہ اقدام نوزائیدہ بچوں میں خطرناک بیکٹیریا کے پھیلاؤ کے خدشے کے باعث کیا گیا۔ یہ بیکٹیریا انفینٹ بوٹولزم نامی مرض کا باعث بنتے ہیں۔

ابتدائی طور پر چند بیچز واپس بلائے گئے، تاہم اب یہ اقدام ملک گیر سطح پر اٹھایا گیا ہے۔ والدین اور معالجین سے کہا گیا ہے کہ اس کا استعمال فوری طور پر بند کر دیں۔

کمپنی کے مطابق وہ ہر بیچ کو تھرڈ پارٹی لیب سے ٹیسٹ کروا رہی ہے، اور نتائج حکام کے ساتھ شیئر کیے جا رہے ہیں۔

انفینٹ بوٹولزم ایک نایاب مگر سنگین بیماری ہے جو ایک سال سے کم عمر بچوں میں پیدا ہوتی ہے۔ اس کی علامات علامات میں دودھ نہ پینا، کمزوری، قبض اور سانس لینے میں دشواری شامل ہیں۔