سرکاری ہسپتالوں میں 36 آکسیجن پلانٹس کی تنصیب

اقوام متحدہ کا ترقیاتی پروگرام (UNDP) گلوبل فنڈ کے تعاون سے پاکستان میں 36 آکسیجن پلانٹس نصب کرے گا۔ پلانٹس سرکاری ہسپتالوں میں لگیں گے۔ منصوبے کے لیے کل بجٹ 52 ملین ڈالر ہے۔

پلانٹس بلوچستان، خیبرپختونخوا، پنجاب اور سندھ کے سرکاری ہسپتالوں میں نصب کیے جائیں گے۔ یہ منصوبہ صرف پلانٹس تک محدود نہیں۔ اس میں عملے کی تربیت، سسٹمز کی نگرانی اور ہسپتال انتظامیہ کو منتقلی بھی شامل ہے۔ اس کا مقصد پائیداری کو یقینی بنانا ہے۔ ہسپتالوں  کے انفراسٹرکچر کی اپ گریڈنگ، سولر HVAC سسٹمز، اور بہتر طبی لاجسٹکس بھی اس میں شامل ہیں۔

یہ اقدامات آکسیجن کی مستقل دستیابی اور محفوظ نظام کے لیے کیے جا رہے ہیں۔ کورونا وبا کے دوران آکسیجن پلانٹس کی کمی شدت سے محسوس کی گئی تھی۔