شہید ذوالفقار علی بھٹو میڈیکل یونیورسٹی میں اے آئی پر مبنی ڈیجیٹل ہیلتھ ہب اور ہیلتھ چیٹ بوٹ صحت دوست کا افتتاح کر دیا گیا۔ اس کا مقصد ڈیجیٹل صحت کا فروغ اور مریضوں کو درست معلومات فراہم کرنا ہے۔
چیٹ بوٹ کا افتتاح "بیماری کی کوئی سرحد نہیں” کے عنوان سے بین الاقوامی کانفرنس میں کیا گیا۔ کانفرنس کی صدارت وائس چانسلر پروفیسر ڈاکٹر تنویر خالق نے کی۔ شرکاء میں عالمی ماہرین صحت، تعلیمی ماہرین اور پالیسی ساز شامل تھے۔ انہوں نے ڈیجیٹل ہیلتھ میں جدت اور تحقیق کے مواقع پر تبادلہ خیال کیا۔
پروفیسر ڈاکٹر تنویر خالق نے کہا کہ صحت دوست او پی ڈی کا بوجھ کم کرنے میں معاون ثابت ہو گی۔ اس سے مریضوں کو صحت پر قابل اعتماد معلومات بھی فراہم ہوں گی۔ منصوبہ پہلے پمز اور پولی کلینک میں شروع ہو گا۔ بعد میں اسے وزارتِ صحت کی مشاورت سے ملک بھر میں توسیع دی جائے گی۔
