راولپنڈی ڈسٹرکٹ ہیلتھ اتھارٹی نے فوڈ اینڈ سروس سے متعلق تمام ملازمین کے لیے ہیلتھ سرٹیفکیٹ لازمی قرار دے دیا ہے۔ یہ اقدام ہیپاٹائٹس اور دیگر متعدی بیماریوں کے پھیلاؤ کو روکنے کے لیے کیا گیا۔ ریسٹورنٹس، سیلونز، شاپنگ مالز، شادی ہالز اور ڈپارٹمنٹل سٹورز کے عملے پر یہ ہدایت یکساں لاگو ہو گی۔
ملازمین کے پاس سرٹیفکیٹ نہ ہونے پر 5000 روپے جرمانہ عائد کیا جائے گا۔ بار بار خلاف ورزی کی صورت میں متعلقہ کاروبار کو سیل کر دیا جائے گا۔ یہ کارروائی پنجاب ہیپاٹائٹس ایکٹ 2018 کی دفعات 270، 269 اور 278 کے تحت کی جائے گی۔ صرف پنجاب ہیلتھ کیئر کمیشن سے رجسٹرڈ لیبارٹریز کے سرٹیفکیٹ تسلیم کیے جائیں گے۔ نجی لیبارٹریز یا دیگر اداروں کے سرٹیفکیٹس قابل قبول نہیں ہوں گے۔
حکام کے مطابق ریسٹورنٹس، اور سیلونز وغیرہ کے حوالے سے اقدام کا مقصد لوگوں کی صحت کو یقیقنی بنانا ہے۔ توقع ہے کہ آئندہ ہفتے ہیلتھ انسپیکشن ٹیمیں کاروباری اداروں اور کھانے پینے کے مراکز کا دورہ شروع کر دیں گی۔
