پاکستان میں فلسطینی نژاد امریکی ڈاکٹروں اور ماہرین کی ٹیم نے گزشتہ چند ہفتوں کے دوران 70 سے زائد مفت آپریشنز کیے ہیں۔ یہ آپریشن عالمی تنظیم ‘فجر’ کے زیر اہتمام کیے گئے۔ تنظیم کے مطابق فلسطینی ماہرین نے پاکستان کے مختلف شہروں کے ہسپتالوں میں جدید سرجریز کی ہیں۔ ان میں مظفر آباد، لاہور اور کراچی شامل ہیں۔
ڈاکٹر خالد صالح فجر تنظیم کے بانی ہیں۔ ان کے مطابق انہوں نے کولہے اور گھٹنے کی ہڈی کی تبدیلی کے جدید آپریشن کیے۔ ان کا کہنا ہے کہ وہ امریکی ہسپتالوں کا سامان لے کر آئے اور تمام علاج مفت کیا۔ ٹیم نے بچوں کے امراض قلب کے کچھ ایسے جدید طریقے اپنائے جو پاکستان میں پہلی بار استعمال ہوئے۔
فلسطینی نژاد امریکی ڈاکٹروں کی طرف سے اتنے بڑے پیمانے پر مفت آپریشن فلسطینیوں کی پاکستان سے محبت کا ثبوت ہے۔ ڈاکٹر صالح کے بقول پاکستان نے ہمیشہ فلسطینیوں کا ساتھ دیا، اس لیے ہم یہاں آئے ہیں۔
