جناح ہسپتال کو نجی انتظام میں دینے کا فیصلہ

پنجاب حکومت نے لاہور کے جناح ہسپتال کو نجی انتظام میں دینے کا فیصلہ کیا ہے۔ تفصیلات کے مطابق ہسپتال کے انتظامی اور طبی امور آؤٹ سورس کیے جائیں گے۔ فنڈز محکمہ سپیشلائزڈ ہیلتھ کیئر اینڈ میڈیکل ایجوکیشن فراہم کرے گا۔

چند روز قبل وزیر اعلیٰ پنجاب نے ہسپتال کا دورہ کیا تھا۔ اس دوران انہوں نے ناقص سہولیات پر شدید برہمی کا اظہار کیا۔ گزشتہ روز وزیر صحت پنجاب خواجہ سلمان رفیق نے بھی ہسپتال کا دورہ کیا۔ انہوں نے مریضوں کی خیریت دریافت کی اور کہا کہ سرکاری سپتالوں کی بہتری کے لیے اجتماعی کوششیں کی جائیں گی۔

جناح ہسپتال کو نجی انتظام میں دینے کے لیےدرخواستیں طلب کر لی گئی ہیں۔