ایک دن میں 72,000 سے زائد افراد کی مفت ذیابیطس سکریننگ

پاکستان میں ذیابیطس تیزی سے پھیل رہا ہے۔ اسے کنٹرول کرنے کے لیے بڑے پیمانے پر سکریننگ کی ضرورت ہے۔ سٹیٹ لائف انشورنس کارپوریشن کی جانب سے اس کا اہتمام کیا گیا۔ ملک میں اپنی نوعیت کی اس سب سے بڑی ملک گیر مہم میں لوگوں کی مفت سکرینگ اور  طبی مشوروں کا اہتمام کیا گیا۔ سٹیٹ لائف کے مطابق مہم کے دوران صرف ایک دن میں 72,000 سے زائد افراد کی سکریننگ کی گئی۔

ایک دن جاری رہنے والی اس مہم میں چاروں صوبوں میں 370 ہسپتالوں اور طبی مراکز کے ساتھ شراکت داری کی گئی۔ اس کے لیے خصوصی کیمپوں میں مجموعی طور پر 72,277 افراد کا معائنہ کیا گیا۔ ان میں سے 48,518 (67.13 فیصد) میں ذیابیطس نہیں پایا گیا۔