صوبہ خیبر پختونخوا میں ہسپتالوں کے لیے پاکستان کا پہلا آن لائن میڈیسن آرڈرنگ پورٹل تیار کیا گیا ہے۔ اس کے ذریعے ڈی ایچ اوز اور ایم ایس ادویات کے آرڈرز دے سکیں گے۔ پورٹل میں ادویات کی منظور شدہ لسٹ پہلے سے موجود ہوگی۔ سسٹم میں ادویات کی ضروریات اضلاع کے جغرافیائی پروفائل کے مطابق فیڈ ہوں گی۔ آرڈر خود کار طور پر تیار ہوگا۔
اس موقع پر وزیراعلیٰ کے پی علی امین گنڈاپور نے کہا کہ صحت اور تعلیم ان کی ترجیحات ہیں۔ صحت کارڈ کے نظام میں بنیادی اصلاحات متعارف کرائی گئی ہیں۔ خیبر پختونخوا میں تمام سرکاری ہسپتال صحت کارڈ پینل پر لانے کےلیے اقدامات کیے جا رہے ہیں۔ ان کے مطابق صحت کارڈ کے تحت لیور اور کڈنی ٹرانسپلانٹ بھی کرائے جائیں گے۔
