پنجاب میں 16 ستمبر سے ہمت کارڈ کی تقسیم کا آغاز

سوشل ویلفئیر اینڈ بیت المال ڈپارٹمنٹ نے ہمت کارڈ سے متعلق تیاریاں مکمل کر لی ہیں۔ پنجاب میں خصوصی افراد کے لیے ہمت کارڈ کی تقسیم کا آغاز 16 ستمبر سے ہو گا۔ ڈپارٹمنٹ  کے ترجمان کے مطابق وزیر اعلیٰ پنجاب یہ کارڈ خود تقسیم کریں گی۔ لاہور کے ایک مقامی ہوٹل میں تقریب کی تیاریاں شروع کر دی گئی ہیں۔

پہلے مرحلے میں ہمت کارڈ کی تقسیم 40،000 افراد میں ہوگی۔ پہلے دن لاہور کے 15،000 افراد کو کارڈ دیے جائیں گے۔ خصوصی افراد کو ہر سہ ماہی میں 10،500 روپے کی رقم دی جائے گی۔ مستحق خواتین کے لیے 30 فیصد کوٹہ مختص کیا گیا ہے۔

ہمت کارڈ کی رجسٹریشن کا آغاز جون میں کیا گیا تھا۔ بینک آف پنجاب صوبے میں 65،000 افرار کو اے ٹی ایم کارڈ جاری کرے گا۔ اس کارڈ کو ہمت کارڈ کا نام دیا گیا ہے۔ مستحق خصوصی افراد کی معاونت کے لیے ہیلپ لائن 1312 بھی قائم کر دی گئی ہے۔