عالمی ادارہ صحت کی ایک رپورٹ کے مطابق دنیا میں ملیریا کے مریضوں کی تعداد 263 ملین ہو گئی ہے۔ 2023 میں ملیریا کے 11 ملین نئے کیسز سامنے آئے۔ 5 لاکھ 97 ہزار افراد اس بیماری کے باعث فوت بھی ہوئے۔ ان اموات میں زیادہ تر افریقہ کے پانچ سال سے کم عمر بچے شامل ہیں۔
ڈبلیو ایچ او کے سربراہ ڈاکٹر ٹیڈروس نے کہا کہ یہ بیماری افریقی بچوں اور حاملہ خواتین کو خاص طور پر متاثر کر رہی ہے۔ ملیریا سے کسی کو مرنا نہیں چاہیے۔
2000 سے 2015 تک کیسز اور اموات میں کمی ہوئی، لیکن اس کے بعد پیش رفت رک گئی۔ 2023 میں ہر 1,000 افراد میں 60.4 کیسز رپورٹ ہوئے۔ 2015 میں یہ شرح 58 کیسزفی 1000 تھی۔ اموات کی شرح بھی بہت زیادہ رہی، ہر 100,000 افراد میں 13.7 اموات ریکارڈ ہوئیں۔
دنیا بھر میں ملیریا کے مریضوں کی تعداد میں اضافہ تشویش ناک ہے۔ موسمیاتی تبدیلی، تنازعات، اور فنڈز کی کمی نے صورتحال مزید خراب کر دی ہے۔ ماہرین کے مطابق 2023 میں ملیریا کے لیے چار بلین ڈالرز فنڈز دستیاب تھے، جبکہ ضرورت 8.3 بلین ڈالرز کی تھی۔
