زیتون کا تیل‘ ٹرانس فیٹ کب بنتا ہے؟

میں نے سنا ہے کہ کوئی چیز فرائی کرنے کے لئے جب زیتون کے تیل کو بہت زیادہ گرم کیا جا تا ہے تو یہ’’ ٹرانس فیٹس‘‘ میں بدل جاتا ہے۔ کیا یہ بات درست ہے؟ (شہلا ناظم، اسلام آباد)

چکنائیاں مختلف قسم کی ہوتی ہیں اوریہ قسمیں جسم پر مختلف طریقے سے اثرانداز ہوتی ہیں۔ نباتاتی چکنائیوں میں ’’پولی اَن سیچوریٹڈ‘‘ اور’’ مونواَن سیچوریٹڈ‘‘ جیسی چکنائیاں کولیسٹرول میں براہ راست اضافہ نہیں کرتیں۔ ٹرانس فیٹس چکنائی کی ایسی قسم ہے جو خون کی نالیوں کی دیواروں سے چپک کر ان کو تنگ کردیتی ہے۔ اس چکنائی پر فائبر کی تہہ جمنے کے امکانات زیادہ ہوتے ہیں جس کے باعث خون کی نالیاں مزید تنگ ہو جاتی ہیں۔ یوں خون کی سپلائی متاثر ہونے سے دل کے دورے کا خطرہ بڑھ جاتا ہے۔

زیتون کا تیل صحت بخش ہے اوریہ صرف اسی صورت میں ٹرانس فیٹس میں تبدیل ہوتا ہے جب ایک ہی تیل کو باربارتیز آنچ پر گرم کیا جائے۔ ایسا کرناتیل کی دوسری قسموں کو بھی مضر صحت بنا دیتا ہے۔ اگر آپ زیتون کے تازہ تیل میں کچھ فرائی کر تے ہیں تو یہ صحت کے لئے قطعاً مضرنہیں ہے۔ اس کے صحت بخش اجزاء سے بھرپورفائدہ اٹھانے کے لئے ضروری ہے کہ آپ اسے زیادہ پکانے سے اجتناب کریں اورسلاد وغیرہ میں ڈریسنگ کے لئے بھی استعمال کریں۔

does olive oil turn into trans fat, olive oil kab trans fat mai tabdeel hota hai?