عالمی ادارۂ صحت کے مطابق دنیا بھرمیں ہر سال 11 سے 20 ملین افراد ٹائیفائیڈ کا شکار ہوتے ہیں۔ ان میں سے 1 لاکھ 28 ہزارسے 1 لاکھ 61 ہزار افراد جان کی بازی ہار جاتے ہیں۔
یہ انفیکشن آلودہ اشیائے خوردونوش کے استعمال سے متاثرہ افراد کی خون کی نالی اور آنتوں میں منتقل ہوتا ہے۔ شہروں میں بڑھتی ہوئی آبادی، صاف پانی کی کمی، صفائی کا ناقص نظام اور آب و ہوا میں تبدیلی ٹائیفائیڈ کی بڑھتی ہوئی شرح کا بڑا سبب ہے۔
ٹائیفائیڈ سے بچاؤ کی ہدایات
اس کے لئے سب سے ضروری ہے کہ ٹائیفائیڈ سے بچاؤ کی ویکسین لگوائیں۔ اس کے ساتھ ان ہدایات پر عمل کریں:
٭زیر زمین، دریا اورندیوں سے حاصل ہونے والے پانی کو استعمال کرنے سے قبل ایک منٹ ( پانی میں بلبلے بننے تک) ابال لیں۔
٭سبزیاں اور پھل استعمال کرنے سے قبل انہیں صاف پانی سے اچھی طرح دھوئیں۔
٭کھانے کو کبھی کھلا نہ چھوڑیں ورنہ مکھیاں اور دیگر کیڑے اسے آلودہ کر دیں گے۔
٭سبزیاں اور پھل چھلکے سمیت کھانا تجویز کیا جاتا ہے لیکن بہتر ہے کہ چھلکا ہمیشہ اتار کر کھائیں۔
٭باہر سے کھانا اسی صورت میں کھائیں جب اس کی صفائی کے حوالے سے مکمل طور پر مطمئن ہوں۔
٭کھلی جگہوں پر رفع حاجت سے گریز کریں۔
٭اس بات کو یقینی بنائیں کہ کھانے کی اشیاء کو دھونے اور پکانے کے لئے استعمال ہونے والا پانی آلودہ نہ ہو۔
٭ہاتھوں کو بار بارخصوصاً کھانے سے پہلے، واش روم استعمال کرنے کے بعد اور جانوروں کو چھونے کے بعد ضرور دھوئیں۔
دورانِ علاج احتیاطیں
٭ٹائیفائیڈ کے مریض کھانا پکانے یا دوسروں کو پیش کرنے سے گریز کریں۔
٭گھر کے باقی افراد ٹائیفائیڈ کی ویکسین لگوائیں۔
٭اگر ادویات کھانے کے باوجود حالت بہترنہ ہو تو گھر بیٹھ جانے کے بجائے ڈاکٹر کے پاس جائیں۔
typhoid say bachnay k liye kya karein, typhoid prevention, typhoid vaccination, hand hygiene and typhoid, precautionary measures during typhoid treatment، typhoid bukhaar, shifa news, health
