گردوں کی خرابی: علامات اور بچاؤ کے طریقے

گردے خراب ہونے کی علامات یہ ہیں

٭جسم میں پانی اکٹھا ہونا شروع ہو جاتا ہے جس کے نتیجے میں ہاتھوں، پیروں اورچہرے پرسوجن ہوتی ہے۔ پانی کی یہ زیادتی پھیپھڑوں میں ہوتو مریض کو سانس لینے میں دشواری پیش آتی ہے۔

٭ایسے ہارمونز کی پیداوارکم ہو جاتی ہے جو سرخ خلیے بناتے ہیں۔ سرخ خلیوں کی تعدا گھٹنا انیمیا کا سبب بن سکتا ہے۔ اس کے علاوہ کمزوری ، تھکاوٹ ، سانس لینے میں دشواری اورسردی لگنے جیسے مسائل کا سامنا ہوتا ہے ۔ سرخ خلیوں کی کمی قابل علاج ہے۔

٭خون کی کمی کے باعث دماغ کو آکسیجن کم ملتی ہے۔ نتیجتاً مریض کو سونے میں دقت ، نیم بے ہوشی اورچکر آنے جیسی شکایات ہوسکتی ہیں۔ بعض صورتوں میں مرگی کے دورے بھی پڑتے ہیں اوروہ کوما میں چلا جاتا ہے۔

٭پیشاب کے معمولات میں تبدیلی آجاتی ہے۔ پیشاب میں خون آنا، زیادہ جھاگ بننا، معمول سے بہت زیادہ یا کافی کم پیشاب آنا اوردورانِ پیشاب تکلیف محسوس ہونا اس کی مثالیں ہیں۔

٭خون میں فاسد مادوں کی مقداربڑھنا شروع ہوجاتی ہے۔ اس وجہ سے مریض کی جلد خشک ہو کرخارش زدہ ہوجاتی ہے۔ خون میں موجود فاسد مادوں کی زیادتی کے باعث مریض کے منہ کا ذائقہ خراب ہو جاتا ہے اورمنہ سے بدبو بھی آتی ہے۔ بھوک میں کمی ، قے آنا، متلی اور وزن کم ہونے جیسے مسائل بھی پیدا ہوتے ہیں۔

٭عصبی رگوں کو نقصان پہنچتا ہے جس سے ٹانگوں میں بے چینی ،کھچاؤ اورسوئیاں چھبتی محسوس ہوتی ہیں۔