Aqsa Naeem

الائچی‘ فائدے میں بڑی

مارچ 16, 2022
Category : کچن اور صحت

الائچی‘ فائدے میں بڑی

الائچی ایسی چیزہے جو ہرگھر کے کچن میں ہی موجود ہوتی ہے۔ اس کے فوائد درج ذیل ہیں

نزلہ زکام اور کھانسی میں مفید

الائچی مختلف اینٹی آکسائیڈنٹس سے بھرپورہوتی ہے۔ اس کی دو اقسام سبزاور سیاہ الائچی ہیں۔ سیاہ الائچی یا بڑی الائچی نزلہ زکام اور کھانسی کے علاج میں مدد دیتی ہے۔ اس کے چند دانے پانی میں شہد کے ساتھ مکس کریں اورگرم کرکے پی لیں۔

نظام ہاضمہ کو بہترکرے

اپنی مہک کی وجہ سے الائچی ذائقے کی حس کو متحرک کرتی ہے۔ یہ ہاضمے میں مدد دینے والے انزائمزکوبھی حرکت میں لاتی ہے، خصوصاً اس وقت جب آپ نے زیادہ کھانا کھایا ہو۔ اسی طرح یہ بد ہضمی، گیس اورقبض کی صورت میں بھی یہ مفید ہے۔ اس میں موجود کیمیائی اجزاء آنتوں کے افعال کو بہترکرتے ہیں۔

سانس کی بوسے نجات

اس کی میٹھی مہک قدرتی طورپرسانسوں کی بو دورکرنے میں مدد دیتی ہے۔ الائچی کا ایک اہم جزواس میں موجود تیل ہے جومنہ میں ان بیکٹریا کے خلاف لڑتا ہے جو سانس میں بدبوکا باعث بنتے ہیں۔

ہائی بلڈ پریشرمیں کمی

ایک چائے کا چمچ دھنیے اورچٹکی بھرالائچی کو ایک کپ آڑو کے جوس میں ملا کر پینا ہائی بلڈ پریشرکو کم کرنے میں مدد دیتا ہے۔ اس کے علاوہ یہ مصالحہ دل کی صحت کے لیے بھی فائدہ مند ہے۔ الائچی نظام تنفس کے مختلف امراض میں بھی فائدہ مند ثابت ہوتی ہے۔

وزن میں کمی

حسب ضرورت الائچی کو پانی میں ابال کرپینے کو عادت بنالینا توند کی چربی کوجلد گلانے میں مدد دیتا ہے۔ اس طرح چند دنوں میں اچھا خاصا وزن کم کیا جا سکتا ہے۔