Vinkmag ad

بلڈ کینسر کا علاج کیا ہے

بلڈ کینسر کے علاج کی کامیابی کا انحصار مریض کی صحت‘ عمر اور کینسر کی قسم پر ہوتا ہے۔ اس کی کچھ اقسام کا علاج مشکل  ہے جبکہ کچھ مریضوں کا علاج وقتی طور پر آسانی سے ہو سکتا ہے۔

وقتی طور پر علاج کا مطلب یہ ہے کہ مریض کے متاثرہ خلیوں کو طویل عرصے تک غیر موثر کر دیا جائے۔ ایسا کرنے سے مرض ختم تو نہیں ہوتا لیکن وہ مریض کے لئے پریشانی کا باعث بھی نہیں بنتا۔ 

گودے کی پیوندکاری

اس مرض کا مکمل علاج گودے کی پیوندکاری یعنی بون میرو ٹرانسپلانٹ ہے تاہم اس پر چونکہ بہت زیادہ خرچ آتا ہے اس لئے بہت سے مریضوں کے لئے اس سے استفادہ ممکن نہیں ہوتا۔ نہ ہی یہ سب مریضوں کے لئے مفید ہوتا ہے۔ بزرگوں کی نسبت نوجوانوں اور بچوں میں یہ زیادہ کامیاب ہے۔

کیموتھیراپی اور ریڈی ایشن

کینسر کے علاج کے لئے کیموتھیراپی اور ریڈی ایشن وغیرہ سے بھی مدد لی جاتی ہے۔ تاہم بلڈکینسر کا علاج زیادہ تر کیموتھیراپی سے ہی کیا جاتا ہے۔ اس میں ڈاکٹر کی کوشش ہوتی ہے کہ اگر کینسر زدہ خلیوں کو مکمل طور پرختم کرنا ممکن نہ ہو تو کم از کم انہیں اس قدر غیر مؤثر کر دیا جائے کہ وہ طویل عرصے تک دوبارہ تیزی کے ساتھ نشو و نما نہ پا سکیں۔

بلڈکینسر میں مبتلا مریض کے خون کے خلیے چونکہ صحیح طور پر نہیں بن رہے ہوتے لہٰذا اسے خون کے عطیے کی بار بار ضرورت پڑ سکتی ہے۔ کینسر کے ابتدائی مرحلے میں تشخیص اور جلد علاج کا فائدہ ضرور ہے تاہم اب بھی اس سرطان کی ابتدائی مرحلے میں پہچان بہت مشکل ہے۔

 blood cancer treatment, what are the treatment options for blood cancer, bone marrow transplant, chemotherapy, radiation, blood cancer, khoon k cancer ka ilaj kya hai, health, shifa news

Vinkmag ad

Read Previous

جوتے کا انتخاب

Read Next

قیمہ اور ایلوویرا کی سبزی

Leave a Reply

Most Popular