لال بیگ کی خصوصیات

لال بیگ کی خصوصیات

کیا آپ کومعلوم ہے کہ نالیوں کے اندر، چولہے اوربیسن وغیرہ کے نیچے پائے جانے والے لال بیگ سرکٹنے کے بعد بھی ایک ہفتے تک زندہ رہ سکتے ہیں؟ جی ہاں ایسا ہی ہے۔ یہ کیڑے مادہ لال بیگ کے دیئے گئے انڈوں سے پیدا ہوتے ہیں۔ یہ انڈے تھیلیوں میں ہوتے اورہرتھیلی میں بیک وقت 50 یا اس سے زائد انڈے ہوتے ہیں۔

٭لال بیگ تقریباً تین سوملین سال قبل سے زمین پرموجود ہیں۔ دنیا بھرمیں ان کی تقریباً چارہزارسے زائد اقسام پائی جاتی ہیں۔

٭عموماً ان کا سائزڈیڑھ سےدوانچ ہوتا ہے تاہم جنوبی امریکہ میں چھ انچ کے لال بیگ بھی پائے جاتے ہیں۔

٭ان کیڑو ں کے جسم کی بیرونی کھال سخت ہوتی ہے اوربڑھتی نہیں۔ افزائش کے دوران یہ پانچ سے آٹھ مرتبہ جھڑتی ہے۔

 ٭یہ کسی بھی قسم کے ماحول میں رہ سکتے ہیں تاہم کھانے کے گندے برتنوں، کھانے پینے کی اشیاء کے ٹکڑوں، کوڑا کرکٹ، زیادہ نمی اورگرم جگہوں کو ترجیح دیتے ہیں۔

٭حسی اعضاء اورٹانگوں پرموجود بالوں کے ذریعے یہ  لرزش یا تھرتھراہٹ کو محسوس کرلیتے ہیں۔ اسی لئے جب ہم ان کے قریب جاتے ہیں تو یہ پہلے سے بھاگنے کی تیاری کرچکے ہوتے ہیں۔

٭ان کے دو دماغ ہوتے ہیں جن میں سے ایک کھوپڑی جبکہ دوسرا پیٹ کے قریب موجود ہوتا ہے۔

٭بعض اوقات یہ مرنے کا دکھاوا بھی کرتے ہیں۔ پھرجونہی خطرے سے باہرہوتے ہیں تو محفوظ جگہ پرچلے جاتے ہیں۔

٭دیگر حشرات کی طرح ان میں بھی درد محسوس کرنے والے خلیے نہیں ہوتے تاہم انہیں خود کو پہنچنے والے نقصان کا علم ہوجاتا ہے۔

٭ان کے پاخانے میں کچھ کیمیائی مادے ہوتے ہیں جن کی مدد سے دیگر ساتھی ان سے ملتے اورگروپ کی شکل اختیارکرلیتے ہیں۔

٭لال بیگ خوراک کے بغیرایک ماہ جبکہ پانی کے بغیر صرف ایک ہفتے تک زندہ رہ سکتے ہیں۔

٭ان کے جسم میں موجود کچھ بیکٹیریا ان سے خوراک لیتے اورانہیں زندہ رہنے کے لئے درکار وٹامنزاورامائنوایسڈ فراہم کرتے ہیں۔

٭چھپکلی کی طرح ان میں بھی بازو یا ٹانگیں دوبارہ پیدا کرنے کی صلاحیت ہوتی ہے۔

٭یہ جسم پرموجود چھوٹے چھوٹے سوراخوں کے ذریعے سانس لیتے ہیں۔ اگرکسی وجہ سے ان کا سرجسم سے الگ ہوجائے توبھی آکسیجن کی فراہمی متاثرنہیں ہوتی۔

 ٭یہ اپنے جسم پرموجود سانس لینے والے سوراخوں کو بند کر کے تقریباً آدھا گھنٹہ پانی کے اندر زندہ رہ سکتے ہیں۔

٭ان میں سیکھنے کے صلاحیت بھی ہوتی ہے۔

٭چین کی روایتی اورجدید طب میں انہیں منہ اورمعدے کے السر کے علاج کے لئے استعمال کیا جارہا ہے۔

٭لال بیگ سے تیارکردہ ادویات منہ اورخوراک کی نالی کے السراورجلد کے زخم کا علاج کرنے کی صلاحیت رکھتی ہیں۔

cockroach for stomach ulcers, 16 cockroach facts, two brains, regeneration

مزید پڑھیں/ Read More

متعلقہ اشاعت/ Related Posts

LEAVE YOUR COMMENTS